Ish-bashkëshorti i Drenusha Latifit hyn të premten në BBVK?

Drenusha Latifi është një nga personazhet shumë të komentuar në edicionin e tretë të Big Brother VIP Kosova.

Para kësaj, ajo bëri bujë për marrëdhënien me ish-bashkëshortin e saj, Atilla Kardesh. Disa muaj më parë, këngëtarja e njohur njoftoi se ka qenë viktimë e dhunës në familje.

Konkurrentja madje publikoi disa fotografi, me anë të të cilave tregoi dhunën e ushtruar nga tashmë ish-partneri. Disa ditë pas hyrjes në shtëpi, ajo tha se ka frikë që gjatë kësaj kohe ai mund t’ia marrë fëmijët.

Duket se në lidhje me këto ngjarje, në spektaklin e ditës së nesërme (e premte), do të hyjë Atilla.

Kardesh me siguri dëshiron të ballafaqohet drejtpërdrejt me Latifin, por pritet të shihet se çfarë do të ndodhë pasi nuk ka ndonjë njoftim zyrtar.