By zonevip 
Sara Hoxha, partnerja prej kohësh e reperit të njohur Ledri Vula, ka pranuar publikisht ndarjen e saj nga artisti. Lajmi i ndarjes ka qarkulluar prej disa kohësh në media, por konfirmimi erdhi vetëm gjatë një interviste të fundit në një emision radiofonik në Top Albania Radio.
Gjatë intervistës, Salsano Rrapi, një nga moderatorët, e ngacmoi Sarën me një batutë që nuk la vend për dyshime. “Sa mirë që të ka bërë ndarja,” i tha ai me një buzëqeshje ironike, duke tentuar ta mbajë bisedën të lehtë.
Sara nuk ngurroi t’i përgjigjej me një ton të qetë dhe të matur, por që konfirmoi spekulimet. “Po, po kështu po më thonë,” u përgjigj ajo, duke dhënë një përgjigje që la të kuptohej se ndarja është tashmë realitet.
Ndarja e çiftit ka qenë një temë e nxehtë në mediat rozë shqiptare për disa kohë, pasi ata kanë qenë një nga çiftet më të përfolura dhe të dashura nga publiku. Ledri dhe Sara kanë një vajzë së bashku, e cila quhet Poem Blu.
